Tetë persona janë konfirmuar të vdekur dhe nëntë të tjerë mbeten të zhdukur pasi një hotel u shemb në qytetin kinez lindor të Suzhou. Ndërkohë fatmirësisht ekipet e shpëtimit arritën të nxjerrin nga rrënojat e hotelit 6 persona. Ende nuk është dhënë asnjë shkak për katastrofën, por imazhet nga vendi i ngjarjes tregojnë ekipet e shpëtimit veshur me portokalli që grumbulloheshin mbi masivë të mëdhenj rrënojash. Hoteli u hap në 2018 dhe kishte 54 dhoma mysafirësh, sipas listës së tij në faqen e udhëtimit Ctrip. Suzhou, një qytet me më shumë se 12 milion njerëz në perëndim të Shangait, është një destinacion popullor për turistët të tërhequr nga kanalet e tij dhe kopshtet shekullore. Shembjet e ndërtesave nuk janë të pazakonta në Kinë dhe shpesh u vihet faji standardeve të dobëta të ndërtimit ose korrupsionit. Shembja e një hoteli karantinë në qytetin jugor të Kinës Quanzhou marsin e kaluar vrau 29 njerëz, ndërsa autoritetet më vonë zbuluan se tre kate ishin shtuar në mënyrë të paligjshme në strukturën origjinale të ndërtesës.