Droni Switchblade peshon vetëm rreth 3 kilogramë dhe mund të transportohet lehtësisht me një cantë shpine. Sipas disa burimeve, arma më e re vdekjeprurëse e amerikanëve tashmë, ka mbërritur në duart e ukrainasve. Droni kamikaz, apo sic e quajnë ndryshe, plumbi i vogël, mund të qëndrojë në ajër për 40 minuta: ai orientohet në goditjen e objektivit deri në një distancë prej 11 kilometrash. Ka një kosto relativisht të ulët - rreth 6,000 dollarë - në krahasim me sistemet e tjera. Është i përshtatshëm edhe për përdorim nga njësitë e vogla ushtarake vendase, ato që këto ditë po ngadalësojnë me sukses përparimin e forcave ruse me prita, sulme të rrufeshme e aksione prapa linjave të armikut. Ushtari që e përdor, mund të ndjekë lëvizjet ekundërshtarit deri sat ë gjejë vetë një pozicion të mbrojtur nga zjarri, dhe më pas nis dronin. Mini-avioni pa pilot transmeton imazhe të zonës, më pas aktivizohet për të goditur shenjetren: një automjet të lehtë, një mitraloz ose një sistem antitank. Arma u zhvillua në bazë të një kërkese specifike të njësisë speciale që donte të kishte një aparat të aftë për t'u përballur me pritat e formacioneve guerile, sic ishin talebanët në Afganistan. Ishte rrjeti NBC ai që zbuloi furnizimin e mundshëm në Ukrainë. Shtëpia e Bardhë vendosi një ditë më parë të ndajë edhe 800 milionë dollarë të tjera për këtë vend.