Ndryshe nga vitet e tjera, Vidovdani këtë vit u festua në Graçanicë për shkak të situatës së tensionuar në veri. Liturgjitë fetare i udhëhoqi kreu i Kishës Ortodokse Serbe, Porfirije nga Manastiri i Graçanicës, ku tha se qëllimi i lutjes së Vidovdanit këtë vit është për paqen e serbëve. "Për ju vëllezër dhe motra që jetoni në Kosovë, ne kemi ardhur të lutemi me ju, t'i përulemi forcës dhe vendimit tuaj për të mbrojtur vendet tona të shenjta në Kosovë. Kjo nuk do të ishte e mundur pa besim në shpirtrat tuaj. Me lutjen tuaj dhe qëndrueshmërinë edhe ne të tjerët shërohemi nga brenda, lindim përsëri dhe fillojmë të kuptojmë se gjëja më e rëndësishme është të kërkojmë së pari mbretërinë e qiejve, të besojmë në dashurinë e Zotit" Tutje ai tha se Kosova është shtëpia e serbëve.