Pas javësh të tëra aludimesh, spekulimesh dhe sinjalesh të tërthorta në rrjetet sociale, ka ardhur më në fund konfirmimi i ndarjes mes dy ish-banorëve të “Big Brother VIP Albania 5”, Brikena Selmani dhe Mateo Borri. Lajmi, i cili prej kohësh qarkullonte në rrjet dhe diskutohej nga ndjekësit e çiftit, është konfirmuar nga vetë Brikena përmes një mesazhi emocional të publikuar në grupin e saj të fansave në Instagram. Në një reagim të gjatë dhe të sinqertë, ajo bëri të ditur se marrëdhënia me Mateon ka përfunduar, duke theksuar se ndarja ka ndodhur pa konflikte dhe pa mungesë respekti nga asnjëra palë. “Përshëndetje të gjithëve! Nuk e kam pasur të lehtë të shkruaj këtë mesazh deri më sot, sepse gjithmonë kam preferuar që gjërat personale t’i mbaj private. Megjithatë, duke parë interesimin dhe pyetjet e shumta, mendoj se tani më shumë se kurrë ju detyrohem një sqarim. Po, unë dhe Mateo nuk jemi më bashkë. Dua të theksoj se nuk ka pasur asnjë mungesë respekti nga asnjëri prej nesh. Kjo është një gjë që dua ta them qartë, sepse nuk do të doja që të krijoheshin histori apo aludime që nuk janë të vërteta”, shkruan Brikena. Ajo vijon duke shprehur mirënjohjen për periudhën që kanë kaluar së bashku, duke nënvizuar se pavarësisht përfundimit të lidhjes, ruan respekt dhe vlerësim për ish-partnerin e saj. “Kam ende respekt për të dhe për gjithçka kemi kaluar bashkë. Ka qenë një pjesë e rëndësishme e jetës sime dhe për këtë do të jem gjithmonë mirënjohëse. Ndonjëherë në jetë rrugët ndahen, por kjo nuk do të thotë se duhet të ketë urrejtje apo fajësime”, shkruan ajo.