Ambjentalistët luftuan shumë që plani për ndërtimin e një ishulli artificial në Danimarkë, i cili do të shërbejë për të strehuar 35 mijë persona por edhe për të mbrojtur portin e Kopenhagenit nga rritja e nivelit të detit, të mos miratohej në parlamentin e vendit. Megjithate ne fund, ai e mori dritën jeshile të ligjvënësve. Ishulli gjigand, të cilit i është vënë emri Lynetteholm, do të lidhet me tokën përmes një rruge unazore, tunelesh dhe një lonje trenash. OK-i i parlamentit danez i hap rrugën nisjes së zbatimit të projektit brenda këtij viti. Sipërfaqja e ishullit artificial do të jetë 2.6 kilometra katrorë, thotë BBC. Pjesë e planit për ishullin Lynetteholm është edhe një digë përreth perimetrit me qëllim mbrojtjen e portit nga rritja e nivelit të detit dhe stuhitë. Nëse procesi i ndërtimit do të ecë sipas planit, shumica e punimeve pritet të mbyllen në 2035-sën, ndërsa i gjithë projekti pritet të përfundojë në vitin 2070. Ai është kundërashtuar sakaq nga aktivistët për mbrojtjen e mjedisit, të cilët i druhen impaktit mjedisor, e kanë paraqitur cështjen edhe në Gjykatën Europiane të Drejtësisë. Shqetësimet e tyre përfshijnë transportin e materialeve përmes rrugëve, që do të përfshinte një numër shumë të madh automjetesh.Ndërtimi i këtij ishulli artificial, i cili e ka sipërfaqen sa 400 fusha futbolli, do të kërkonte rreth 80 milionë tonë dhe, sipas mediave lokale.