Ministria bjelloruse e mbrojtjes publikoi sot pamje të atyre që pretendonte se ishin manovra paraushtarake me aleatin e tyre kryesor Rusinë, pranë vendit të krizës së refugjatëve. Ndërkohë Bashkimi Evropian tha sot se po bën progres në trajtimin e krizës në kufirin Poloni-Bjellorusi ku mijëra emigrantë janë bllokuar në mes të dy ushtrive. Pas dërgimit të trupave ushtarake nga Polonia në zonë, Minsku tha se do të kundërpërgjigjet ashpër ndaj çdo sulmi. Rreth 2,000 emigrantë, kryesisht kurdë nga Lindja e Mesme janë bllokuar prej ditësh në temperatura thuajse zero. Forca xheniere të Britanisë u nisën sot drejt kufirit lindor të Polonisë për të asistuar me krizën e emigrantëve. Ministri polak i mbrojtjes Mariusz Blaszczak, tha: Trupat polake e britanike do të punojnë për forcimin e gardheve kufitare me Bjellorusinë”. Lëvizja erdhi pasi ushtarë rusë kanë ardhur gjithashtu në rajon në ndihmë të forcave bjelloruse për të ruajtur kontrollin.