AL-QAEDA mund të riptërtërijë bazat e saj të dikurshme në Afganistan e prej andej, të thurë komplote të reja për sulme vdekjeprurëse ndaj Shteteve të Bashkuara dhe Europës, sidomos Britanisë paralajmërojnë krerë të shërbimeve amerikane të inteligjencës. Një muaj pasi talebanët morën pushtetin në Kabul, CIA thotë se ka shenja që grupo terrorist, i udhëhequr dikur nga Osama bin Laden e përgjegjës për sulmet e 11 shtatorit, po jep shenja riaktivizimi. Ishte pikërisht pushtimi i Afganistanit i drejtuar nga SHBA-ja dy dekada më parë ai që dëboi Al Kaedën nga ky vend pas përmbysjes së regjimit të atëhershëm taleban, i cili kishte krijuar atje një parajsë të sigurtë për terroristët. Por tani, fanatikët fetarë po lëvizin sërish pas tërheqjes kaotike të forcave amerikane e aleate. Duke folur në samitin e inteligjencës në Ëashington, zv/drejtori i CIA-s, David Cohen u shpreh se kanë nisur që tani “të shohin shenja lëvizje të Al Kaedës në Afganistan”. “ Po e vëzhgojmë me kujdes situatën”, u shpreh ai. Më herët, profesori Anthony Glees nga Qendra për Studime të Sigurisë e Inteligjencës në Universitetin e Buckinghamit, bëri një paralajmërim të zymtë për rikthimin e kampeve të stërvitore të organizatës famëkeqe terroriste, që e kishte kthyer dikur Afganistanin në strehën e saj.