Tri enë qeramike me rëndësi të rrallë arkeologjike iu shtuan Muzeut të Arkeologjisë, pas restaurimit të plotë të tyre nën drejtimin e Frederik Stamati. Frederik Stamati, studiues, restaurator - Janë nga restaurimet e fundit që kemi bërë për objektet arkeologjike. Ishin disa gjetje interesante, por të palexueshme dhe të paekspozueshme para restaurimit. Çdo zbulim nga nëntoka u rrëfen arkeologëve historinë e të parëve tanë, ashtu si kjo enë e gjetur në 2018 në nekropolin e qytetit antik të Amantias, në kuadër të projektit kërkimor të Insitutit të Albanologjisë. Jamarbër Buzo, arkeolog – Ena është gjetur në rrënojat e qytetit Amantia në vitin 2018. Është pjesë e iventarit të një varri. Si enë përfaqëson lutrofore. Është përdorur për mbajtjen e ujit për banjot ritual, si për ritet paramartesore, ashtu edhe për ato funerale. Veçoritë e këmbës janë këmba e lartë, trupi i fryrë, qafa e gjatë, sikurse edhe dekori. Sipas arkeologut, këto enë luksoze për kohën, me formën dhe dekorin, tregojnë më shumë për jetën dhe vdekjen në antikitet. Jamarbër Buzo, arkeolog – Edhe dy enët e tjera, i përkasin po ashtu kontekteve funerale. Njëra prej tyre përfaqëson një kater të modeluar, të bërë më kallëp. Edhe tjetra është gjetur nga territoret amantine, që tregon për një pasuri materiale, kulturore