Në imazhe shihen refugjatë ukrainas që kalojnë kufirin drejt Polonisë me autobuzë që shkojnë drejt qytezës së Przemil. Rreth 20,000 rezidentë raportohet se janë lejuar të largohen nga Mariupol, të cilët tregonin për udhëtimin e vështirë mes rrënojave dhe pasojave të luftës. "Është hera e parë që po marr frymë prej javësh," tha Mikola, i cili nuk dëshironte të jepte emrin e plotë, duke drejtuar makinën me gruan e dy fëmijët. Konflikti raportohet se ka shkatuar largimin e rreth 3 milionë ukrainasve dhe ende nuk shihet në horizont një zgjidhje paqësore. Presidenti Zelensky tha se anëtarësimi në NATO nuk është një opsion per Ukrainene, duke sinjalizuar tolerancë ndaj një prej kërkesave të Moskës. Zëdhënësi i Kremlinit, Dmitry Peskov tha se një "kompromis i mundshëm" do të ishte që Ukraina të bëhej një shtet neutral si Suedia apo Austria. Negocjatori ukrainas Mikailo Podoliak tha: "Ukraina është në gjendje lufte me Rusinë prandaj modeli i paqes duhet të jetë ukrainas me garanci të verifikuara sigurie”.