Prof. Dr. Gjovalin Shkurtaj, akademik, studiues, gjuhëtar – Si ata shkëmbinjtë që mbeten gjithmonë si pikë treguese, Rexhep Qosja për mua është një pikë treguese për atdhetarinë. Akademiku Gjovalin Shkurtaj nderon kujtimin e Profesor Rexhep Qosjes, me të cilin nisi bashkëpunimin dhe miqësinë gjysmë shekull më parë, kur Qosja drejtonte Institutin Albanologjik në Prishtinë. Prof. Dr. Gjovalin Shkurtaj, akademik, studiues, gjuhëtar – Jemi takuar qysh në 1976 kur shkuam në Kosovë për të mbledhur materiale dialektologjike, na ndihmoi shumë si drejtor i Institutit. Ai studioi jetën dhe veprën e Naimin Frashërit, unë u mora kryesisht me gjuhën, kemi bashkëpunuar në këtë pellg të përbashkët kërkimi. Për Shkurtajn, Qosja rrezatonte dashamirësi dhe gatishmëri për shqipen e shqiptarinë. Prof. Dr. Gjovalin Shkurtaj, akademik, studiues, gjuhëtar – Ishte njeri që shkruante bukur, e nxirrte fjalën nga shpirti, ishte i drejtpërdrejtë. Nga ai kam mësuar që gjuha duhet dashur shumë, dialektet tona janë të pasura. Ai fliste në gjuhën standarde, por sillte shumë bukur dhe të folmet e Vuthajt dhe veriut në përgjithësi. Akademiku flet për kontributin e kolegut të tiji në trajtimin e historisë së letërsisë shqipe, ndërsa citon “Vdekja më vjen prej syve të tillë”, e shkruar me një shqipe të kulluar. Prof. Dr. Gjovalin Shkurtaj, akademik, studiues, gjuhëtar – Porosia e madhe e tij është që shqiptarët kudo janë ta ndiejnë veten të lidhur me njëri-tjetrin, gjuha është ajo që na bashkon. Ai ka thënë ‘gjuha është pasuria më e madhe që ne kemi’. Po aq i rëndësishëm ishte dhe kontributi në politikë me angazhimin në çështjen mbarëshqiptare. Irena Toçi, botuese – Tre nga veprat e para që i kemi botuar kanë qenë ‘Fjalori demokratik’, ‘Strategjia e bashkimi’ dhe ‘Çështja shqiptare’. Ishte strategu, hodhi idetë për bashkimin kombëtar dhe kjo ishte ëndrra e tij deri në fund. Botuesja e shkrimtarit tregon se për herë të fundit e takoi Qosjen dy javë më parë, ndërsa thotë se humbja e vajzës mbeti për të një plagë që s’u mbyll kurrë. Irena Toçi, botuese – Pas humbjes së vajzës, kishte një trishtim shumë të dukshëm. E shprehte këtë padrejtësi që jeta i bëri, humbi edhe dhëndurët, edhe gruan. Një figurë poliedrike që la pas një trashëgimi të pasur letrare, kulturore dhe shkencore. Largimi i tij ishte një tjetër mesazh për kombin… Irena Toçi, botuese – Dikur, kur u përplas me idetë e tij me të madhin Ismail Kadare, u paragjykua. Ai bënte një pasqyrim të realitetit duke thënë që kemi një identitet të përzierë midis Lindjes dhe Perëndimit. Fundi e tregoi që ishte njeri laik, që besonte te shkenca, i përcjellë në banesën e fundit vetëm nga familjarët e vetë, ashtu sikurse ka bërë dikur Tolstoi dhe emra të tjerë të mëdhenj të letërsisë botërore.