Raketa kineze Lunga Marcia 5B, që dërgoi në orbitë modulin e parë të stacionit hapësinore Tiangon, është në rënie të pakontrolluar, konfirmon Instituti i shkencave teknonologjike në Pisa të Italisë. “ Kjo është hera e dytë që dicka e tillë ndodh me këtë version të raketës, shpjegon kreu i tij Luciano Anselmo. I pari ishte në 2020-tën, kur disa fragmente ranë në një fshat të Afrikës, por atëherë lajmi kaloi pa u vënë re sepse bota ishte përqëndruar tek pandemia e Covid 19. Këtë radhë, copat e raketës rrezikojnë të bien në rajonet qendrore e jugore të të Italisë, vazhdon eksperti. Pas lëshimit, raketa është braktisur në kozmos, shkruan TGcom, e që prej atëherë nuk kishte më asnjë shenjë prej saj. Lëshimi i 29 prillit shkoi shumë mirë, kujton Anselmo, por paskësaj, thekson ai, e lanë atje lart dhe raketa po silet si një “pajisje pasive”’. I vetmi ndikim që pëson është frenimi i atmosferës që po e bën të bjerë sërish në Tokë, vijon ai. Dyshimi konfirmohet gjithashtu edhe nga orbita që ajo është dukë përshkuar, e ngjashme me atë të vitit 2020 nga paraardhësi i tij dhe me atë të 2018 nga prototipi i stacionit të vjetër kinez hapësinor. Sidoqoftë, është shumë herët për të nxjerrë ndonjë konkluzion sepse orbita mund të pësojë variacione, thekson eksperti, i cili sqaron se gjërat do të qartësohen më shumë diku nga mesi i javës së ardhshme.