Vladimir Putin e siguron Volodimir Zelenskyn se nuk do t`i preket asnjë fije floku nëse vendos të shkojë në Moskë për bisedime paqeje. Premtimin për sigurinë e homologut ukrainas, shefi i Kremlinit e pohoi publikisht teksa fliste në forumin ekonomik në Vladivostok. Pala ukrainase e dëshiron këtë takim dhe e ofron këtë takim. Unë thashë jam gati, ju lutem ejani, ne patjetër do të sigurojmë kushte për punë dhe siguri. Putin e cilësoi këtë një “garanci 100%” , ndërsa pretendimet që takimi që mbahet në një vend neutral, të palës së tretë, i cilësoi si një “kërkesë te tepërt”. “Vendi më i mirë për një takim është kryeqyteti i Federatës Ruse… Moska”, tha ai. Ky është një sugjerim të cilin shefi i Kremlinit e ka përsëritur vazhdimisht që nga samiti i tij në Alaskë me Donald Trump ku presidenti amerikan u përpoq ta bindte atë takohej me Zelenskyn. Mungesa e përparimit drejt takimit të shumëtrumpetuar, po e acaron kreun e Shtëpisë së bardhë ndërsa Putini tenton ta portretizojë veten si të hapur ndaj paqes, por pa hedhur hapa konkretë. Po nga Vladivostoku, presidenti rus iu përgjigj sakaq lajmeve se 26 vende premtuan në takimin e Parisit se do të dërgojnë trupa në Ukrainë. Nëse ndonjë trupë shfaqet atje, veçanërisht tani, gjatë operacioneve ushtarake, për ne do të jetë objektiv legjitim shkatërrimi. Zëdhënësi i Putinit, Dmitry Peskov, i shpjegoi BBC-së çdo forcë e huaj, qoftë e NATO-s apo jo, do të përbënte një rrezik për Rusinë "sepse tha ai, ne jemi armik i aleancës. Peskov vazhdoi të kritikonte "përpjekjet e qarta të vendeve europiane për të provokuar vazhdimin e luftës", sic tha ai.