Vizitën e tij zyrtae në Moskës, kryetari i Kuvendit të Serbisë, Ivica Dacic e përdori për të dërguar vec të tjerash edhe një mesazh në raport me Kosovën. “ Rusia”, tha ai, “ mbështet me forcë qëndrimin se Kosova është “pjesë e patjetërsueshme e Serbisë”. Dacic iu drejtua me një fjalim ligjvënesve të Dumës ruse, ku theksoi se për Beogradin është e një rëndësie kyce mbështetja e Moskës në në respektimin e Rezolutës 1244 të Kombeve të Bashkuara, mbi praninë e forcave ushtarake ndërkombëtare në Kosovë. ““Sot, Rusia është mbrojtësja më e madhe dhe më me ndikim e interesit tonë suprem kombëtar, të cilin ne e mbrojmë në skenën ndërkombëtare, dhe ai është ruajtja e sovranitetit dhe integritetit territorial të Republikës së Serbisë”, deklaroi ai. Dacic shtoi se Beogradi po zhvillon një dialog konstruktiv me Prishtinën dhe se dëshiron një kompromis, i cili do të çojë në paqe dhe stabilitet afatgjatë në rajon, por Serbia nuk do të lejojë që zgjidhjet të imponohen dhe të jenë të njëanshme. kryeparlamenti serb shtoi se ndonëse vendi i tij e dëshiron hyrjen në BE, ai nuk do të pranojë që në këtë rrugë të vendosen pengesa, siç është njohja e Kosovës.