Presidenti kinez Xi Jingping njoftoi më herët se dëshiron që shteti i tij të “zgjerojë rrethin e miqve”, duke reformuar kështu imazhin e shtetit. Përpara zyrtarëve të lartë të Partisë Komuniste, Xi theksoi se është e rëndësishme që të prezantojë një imazh “të Kinës kredibile, të dashur dhe të respektuar”, pohime këto që përbëjnë një ndryshim të ndjeshëm në qasjen diplomatike të Kinës, e cila sipas analistëve është bërë më aggressive së fundi. CNN thotë se opinionet për Kinën kishin nisur të ndryshonin që përpara pandemisë së lindur në Wuhan, dhe kjo sipas gjigandit mediatik amerikan i detyrohet pjesërisht përqafimit që vend ii kishte bërë pikërisht të ashtquajtur “ diplomacia e ujkut luftëtar”. Një qasje e tillë e kishte marrë emrin nga një seri filmash aksion kinezë e nisi të formëzohet më së pari në 2019-tën, kur diplomate të lartë të vendit nisën të përmendin hapur nëpër mediat sociale akuzat e pretenduara kundër Kinës. Kështu Zhao Lijian, asokohe këshilltar i ambasades kineze në Pakistan nisi të dënonte atë qe e pa si hipokrizi të SHBA-së lidhur me të drejtat e njeriut, duke shkruar se Washingtoni ka problemet e veta me racizmin, pabarazinë e të ardhurave dhe dhunën e armëve. Xi Jingping në fjalimin e fundit pretendonte se organizatatat për propagandë të partisë, duhet ta bëjnë të qartë se Pekini nuk dëshiron asgjë përveç lumturisë së popullit kinez, në një kohë kur që prej marrjes së postit të presidentit në 2012, ai e ka shtyrë Kinën drejt rritjes së autoritarizmit.