Një shkëmbim zjarri u regjistrua mëngjesin e së hënës në aeroportin e Kabulit mes forcave afgane të sigurisë, trupave gjermane dhe atyre amerikane me disa sulmues të panjohur. Një efektiv afgan mbeti i vrarë ndërsa tre të tjerë mbetën të plagosur, njoftoi Bundesëehri. Sipas të dhënave të ushtrisë gjermane shkëmbimi i zjarrit ka ndodhur në orën 04:15 në portën veriore të aeroportit. Ambasada e Gjermanisë kishte bërë të ditur më parë, se në hyrjet e aeroportit mund të krijohen situata shumë të rrezikshme dhe përplasje me armë. Porta veriore e aeroportit është mbyllur. Ambasada këshilloi "urgjentisht" forcat lokale dhe qytetarët gjermanë të mos shkojnë në aeroport, shkruan agjencia e lajmeve dpa.Bundeswehri ka evakuuar nga Afganistani 2700 vetë nga Kabuli, mes tyre 1800 afganë. Në kryeqytetin e Uzbekistanit, Tashkent u ul natën e së hënës një avion me 213 pasagjerë. Vetëm para një jave talibanët radikalë-islamistë morën pushtetin në Kabul. Opozitarët, gazetarët, aktivistët e të drejtave të njeriut dhe forcat lokale që kanë punuar për ndërkombëtarët i tremben fushatave hakmarrëse të talibanëve, thotw DW.