Tirana, këtë të premte ishte vendtakimi i liderëve evropianë në kuadër të Samitit Politik. Pjesëmarrëse ishte edhe Presidentja e Kosovës, Vjosa Osmani e cila pati kritika të ashpra karshi vendeve anëtare të Bashkimit Evropian. Para samitit, Osmani tha se nuk po vlerësohen reformat e linjëzimi me politikat e BE-së, porse sipas saj po jepet një mesazh i keq me tolerimin që po i bëhet Serbisë. Për fat të keq po jepet një mesazh shumë i keq për rajonin tonë, se më shumë po hapet dera në raport me ata që po shkojnë në Moskë te Putini se sa për ne që nuk shohim rrugë dhe alternativë tjetër përpos BE-së Presidentja e Kosovës po ashtu kërkoi edhe heqjen e masave ndëshkuese që Bashkimi Evropian ka vënë tash e dy vjet ndaj vendit. Kam më shumë pritshmëri sa i përket një lloj balanci nga ana e BE-së, për shkak që sic e dini Kosova është nën masa, Serbia nuk është dhe kjo e prishë balancin, barazinë mes palëve në tryezën e dialogut. Kam më shumë shpresë që edhe nga zonja Kallas edhe nga Përfaqësuesi i ri për Dialogun do të shtyhet më shumë përpara heqja e masave dhe trajtimi i barabartë i palëve. Ne do të jemi konstruktiv