Ushtria ruse do të ndjekë nga afër stërvitjen detare të Ukraines me Shtetet e Bashkuara dhe do të në gadishmëri për të reaguar menjëherë nëse do ta konsiderojë të nevojshme për mbrojtjen e sigurisë së saj kombëtare. Komentet i bëri ministria ruse e mbrojtjes, në deklaratën e së cilës sqarohet stërvitja e përvitshme, e cila përqëndrohet në zonën e Detit të Zi, do të përfshijë personel nga një sërë vendesh të Nato-s. Ajo do të zhvillohet nga data 28 qershor deri në 10 korrik. Por Moska pretendon se stërvitje të tilla kanë shkuar shumë përtej asaj që Ukraina e konsideron si zonën e saj në Detin e Zi. “ Ministria e Mbrojtjes e Federatës Ruse do t`i ndjekë me shumë kujdes përgatitjet për stërvitjen amerikano-ukrainase, Sea Breeze, dhe po qe e nevojshme do t`i përgjigjet situatës në interesin e garantimit të sigurisë ushtarake të Rusisë”, thuhet në deklaratën. Tensionet mes Rusisë dhe Ukrainës mbeten të larta që prej aneksimit të Krimesë nga Moska në 2014-tën si dhe mbështetjes që ajo i jep separatistëve pro-rusë në rajonet lindore të vendit fqinj, rebelimi it ë cilëve ka shkaktuar një konflikt i cili ka marrë deri tani 14 mijë jetë njerëzish.