Presidenti i Iranit, Hassan Rouhani ka thënë sot gjatë një takimi të kabinetit qeveritar, se çështjet kryesore të Iranit me SHBA “janë zgjidhur” gjatë negocjatave, dhe kanë mbetur vetëm “çështje të vogla” për t’u diskutuar. Rouhani tha se në negocjatat ndërkombëtare bërthamore mes Teheranit e Uashingtonit kanë shënuar avancime, duke shënuar avancime me administratën e re amerikane të Biden, në krahasim me atë të larguar të Donald Trump. "Sot po dëshmojnë zgjidhjen e çështjeve kryesore me SHBA, në bisedimet e Vienës që kanë si qëllim ringjalljen e marrëveshjes ndërkombëtare bërthamore të vitit 2015”, tha presidenti , duke shtuar se programet e reja ekonomike që do të inaugurohen në Iran, janë një shenjë se politika anti-iraniane dhe presionet e ish-presidentit Donald Trump kishin dështuar. Në maj 2018, Donald Trump tërhoqi Uashington nga marrëveshja ndërkombëtare bërthamore, duke vendosur sanksione mbi Iranin. Në kundërpërgjigje, edhe Irani ka ndaluar zbatimin e detyrimeve të marrëveshjes prej vitit 2019.