Shpyllëzimi në pyjet tropikale të Amazonës në Brazil, të konsideruar ndryshe dhe si “mushkëria e botës”, ka arritur nivelin më të lartë të regjistruar ndonjëherë në 15 vjet. Një raport i Agjencisë braziliane të Kërkimit Hapësinor tregoi se brenda një viti, shpyllëzimi u rrit me 22%. Brazili është në mesin e disa vendeve që premtun t'i japin fund shpyllëzimit deri në vitin 2030. Këtë zotim, drejtuesi t etij e morën gjatë samitit të klimës që u mbajt këtë muaj në Glasgoë të Skocisë. Amazona është shtëpi e rreth tre milionë llojeve të bimëve dhe kafshëve dhe një milion banorësh indigjenë. I gjithë ky rajon është një grumbullues jetik i karbonit, cka bën që të ngadalësohet ritmi i ngrohjes globale. Por sipas të dhënave të fundit, rreth 13,235 km katrorë pyje atje janë zhdukur vetëm gjatë vitit të fundit, hapësira më e madhe që humbet që prej 2006-tës. Ministri Brazilian i mjedisit e pranoi se shifra të tilla përbëjnë një “sfidë” të vërtetë për qeverinë. Shpyllëzimi i Amazonës është rritur ndjeshëm që kur postin e presidentit e mori Jair Bolsonaro, i cili thuhet se i ka inkurajuar aktivitetet bujqësore dhe minerare në këtë zonë.