Top Channel/ Motori u fsheh në një makinë, pas atentatit në Shëngjin e priste Land Rover në Kukel

Lëvizjet e autorit para dhe pas vrasjes së biznesmenit Ardian Nikulaj në Shëngjin treguan se atentati ishte i mirëmenduar. Autori dhe bashkëpunëtorët jo vetëm studiuan lëvizjet e objektivit dhe vendin e ngjarjes, por edhe rrugën që duhet të ndiqnin kur u larguan të pa shqetësuar nga policia. Pas kryerjes së vrasjes në lokalin Koral në orën 13.30 të së enjtes autori i krimit i maskuar u largua nga vendngjarja me të njëjtin motor që erdhi. Mjeti edhe pse jo i shpejtë i mundësoi atij largimin pa u ndeshur me asnjë patrullë policie. Nga pamjet e kamerave të sigurisë vrasësi me motor humbet në zonën e Gjadrit.