Ministria ruse e mbrojtjes ka publikuar sot pamje të bombarduesve të saj të rangut të largët Tu-22 që sipas saj fluturonin mbi Bjellorusi, në kuadër të integrimit ushtarak mes dy vendeve. Zhvillimi vjen në një kohë kur Bjellorusia akuzon BE "provokim" të një krize emigracioni në kufirin me Poloninë ku rreth 3000 emigantë po përpiqen të hyjnë brenda kufijve të BE. Forca ushtarake nga të dyja palët po përpiqen të mbajnë situatën nën kontroll. Minsku ka dënuar më herët reagimet e ushtrisë së Polonisë dhe ka thënë se kërkon një reagim të përbashkët me Rusinë për krizën. Ndërkohë mijëra emigrantë të dëshpëruar janë grumbulluar në temperatura të ftohta në kufirin e BE mes Bjellorusisë e Polonisë. Varshava dhe BE akuzojnë se regjimi i Minskut kërkon me anë të emigrantëve të kërcënojë sigurinë evropiane. 3,000 deri në 4,000 emigrantë janë aktualisht në një kamp të improvizuar pranë fshatit polak të Kuznica.