Ministri i jashtëm gjerman, Heiko Maas kërkoi shfuqizimin e të drejtës së vendeve anëtare të bllokut për t`i vënë veton masave në politikën e jashtme, duke thënë se blloku nuk mund ta lejojë veten që të mbahët peng. Komentet e tij, të cilat erdhën disa ditë pasi një zyrtar më i ri lëshoi një rrevesh kritikash mbi Hungarinë, dëshmojnë qartë zhgënjimin në rritje në Berlin mbi mënyrën në të cilën vendet individuale të BE-së mund të bllokojnë cështje për të cilat bien dakort anëtaret e tjerë. “ Ne nuk mund të mbetemi peng e njerëzve që e lidhin politikën e jashtme europiane me vetot e tyre. Sepse kur vepron kështu, herët a vonë rrezikon kohezionin e Europës. Vetoja duhet të hiqet”, deklaroi ai në Berlin. Vërejtjet e tij përbëjnë një qortim tejet të pazakontë nga ana e Gjermanisë për një shtet anëtar anëtar. E vetëdijshme për fuqinë e saj ekonomike dhe politike brenda bllokut, Gjermania normalisht është shumë e kujdesshme në situata të tilla nga frika se mos duket mbizotëruese. Hungaria bllokoi në muajin prill një deklaratë të BE-së që kritikonte ligjin e ri të sigurisë së Kinës në Hong Kong, duke minuar përpjekjet e bllokut për t'u përballur me kufizimet e lirive të Pekinit në ish koloninë britanike. Kryeministri Viktor Orban është përpjekur të krijojë sa më të ngushta me Kinën. Ndërkohë, muajin e kaluar, Budapesti refuzoi dhe ratifikimin e një marrëveshjeje të re tregtare mes BE-së dhe vendeve afrikane, atyre të Karaibeve dhe të Paqësorit, si dhe refuzoi të mbështeste thirrjen e Brukselit për armëpushim mes Izraelit dhe palestinezeve.