Është cilësuar si historike marrëveshja e arritur nga Ministrat e Financës të grupit të shtatë vendeve më të industrializuara të botës mbi vendosjen e një takse për kompanitë e mëdha multinacionale. gjatë samiti në Londër, ata u zotuan për vendosjen e një takse ndaj korporatave që do të ketë një nivel minimal prej 15 për qind. Kompania të mëdha e të njohura si Amazon, Google dhe Facebook mund të jenë në mesin e atyre që do të preken nga kjo taksë. Nisma ka një qëllim të qartë. Vendimi mund të bëjë që miliarda dollarët e përftuar prej qeverive nga kjo lëvizje, do ti ndihmojnë ato të paguajnë borxhet që kanë marrë gjatë krizës së pandemisë COVID-19. Marrëveshja – e arritur ndërmjet Shteteve të Bashkuara, Mbretërisë së Bashkuar, Francës, Gjermanisë, Kanadasë, Italisë dhe Japonisë – do t’u bëjë presion që edhe vendet e tjera të ndjekin të njëjtin shembull, kur do të takohen në samitin e G20-ës muajin e ardhshëm.“Pas vitesh diskutime, ministrat e Financave të G7-ës arritën marrëveshje historike për të reformuar sistemin botëror të taksës, që është në përputhje me epokën digjitale”, tha kancelari britanik i Thesarit, Rishi Sunak. Për vite me radhë, qeveritë në mbarë botën janë përballur me sfidën e vendosjes së taksave për kompanitë globale, që operojnë në shumë vende të botës, por mund të hapin degë të tyre në shtetet që kanë taksa relativisht të ulëta për korporatat, dhe po aty deklarojnë edhe fitimet.