Mes pasurisë që Monika Kryemadhi ka deklaruar, është dhe blerja e një autoveture Wolksvagen në vlerën 34.620 Euro. Sipas deklarimeve, burimi i të ardhurave ka qenë nga të ardhurat personale të Kryemadhit si dhe hua personale nga person fizik me afat 1 vjeçar, në shumën 14.000 Euro. Personi i cili sipas deklaratës noteriale i ka dhënë shumën 14.000 Euro është shtetasi Ilir Shatku, vëllai i Ema Çokut. Ish-presidenti, ish-kryeministri, ish-kryetari i Parlamentit, kryetari i Partisë së Lirisë, Ilir Meta ndodhet në paraburgim, pasi dyshohet se ka kryer veprat penale të korrupsionit, mosdeklarim pasurie dhe pastrim parash. Ndërkohë, për ish-bashkëshorten e tij, deputeten Monika Kryemadhi u caktua masa detyrim paraqitjeje, së bashku me mikeshën e saj, Ema Çokun. Ndërsa ish-kreu i AKEP, Piro Xhixho u la në arrest shtëpie.