Ka mbetur më pak se një javë deri për përfundimin e afatit kushtetues për zgjedhjen e presidentit të ri të Kosovës. Opozita i mbylli derën Lëvizjes Vetëvendosje për vazhdim të negociatave, por kryetari i kësaj partie, Albin Kurti thotë se zgjedhjet nuk janë zgjidhje e do të ketë përsëritje të tyre. Nëse shkojmë në zgjedhje të reja nuk do të kemi zgjidhje. Meqenëse, sërish do të na bie të shkojmë në zgjedhje të reja, e pas atyre, sërish do na bie të shkojmë në zgjedhje të reja meqenëse unë nuk e di se si do t'i kemi 80 deputetë Kreu i ekzekutivit shtoi se zgjedhjet e mundshme të qershorit do t’i kushtojnë Kosovës rreth dhjetë milionë euro e për shkak të mosfunksionimit të kuvendit në rast se nuk zgjidhet presidenti më 28 prill, Kurti shtoi se vendi humb miliona të tjera. Shefi i Vetëvendosjes përsëriti që ka qenë bujar me ofertat për opozitën e tash kërkon nga ta të nxjerrin një kandidat për president së bashku.