Disa kineastë kundërshtojnë ashpër projektligjin e ri për kinematografinë dhe audiovizualin. Një ndër zërat më të fortë është regjisori Joni Shanaj, që nuk ndihet i përfaqësuar nga ky draftligj. Joni Shanaj, regjisor - Duke qenë se ligji prek QKK, prek të gjithë aktivitetin kinematografik, nuk është bërë asnjë konsultë me autorët krijues. Shanaj citon ligjin aktual, të hartuar 1996 të hartuar nga ministri i atëhershëm i Kulturës, regjisori Dhimitër Anagnosti, që ka në fokus autorin. Ligji i ri e nënvlerëson krijuesin dhe i cenon të drejtat morale dhe ekonomike, sipas tij. Joni Shanaj, regjisor – Unë mund të thosha ka ndodhur një lloj puçi brenda institucionit QKK. Janë producentët që kanë fituar të gjithë pushtetin atje dhe bëjnë ligjin. Autorët gjenden nën trysninë e producentëve, shtëpive filmike. Projektligji merr si shembull Italinë, por këtu Shanaj sheh një problem në mënyrën si janë marrë ligjet e shtetit fqinj për kinematografinë si referim. Joni Shanaj, regjisor – Problem është që me këtë projektligj këta e transformojnë QKK që është një entitet qendror sipas modelit të të gjitha institucioneve homologe në Evropë, dhe e kthejnë në një vatër kulture lokale. Kanë marrë si shembull ato që quhen komisione filmi. Shanaj sheh vullnet nga ana e qeverisë për të bërë reforma, por njëkohësisht vëren ulje te buxhetit për kineastët. Joni Shanaj, regjisor – Buxhetet tona sa vijnë e ulen, nuk të pyesin fare. Dyshoj që vjen ngaqë ka konflikte interesi. Qeveria mund të ketë vullnet pozitiv në parim, por në praktikë nuk na ka përfillur fare. 13.36 – Mburren këta producentët shqiptarë me sa produksione kanë bërë filmin, sepse këta kanë hall sa para gjejnë gjatë rrugës. Unë thotë kam marrë 10 shtete në filmin tim, që është punë e tij. Nuk i intereson asnjërit në publik se me sa lekë e kë bërë ti filmin tënd. Duke folur si pedagog i Fakultetit të Artit Skenik, Joni Shanaj shpreh keqardhje për mungesën e hapësirës ndaj talenteve të reja, që thotë se nuk mungojnë… Joni Shanaj, regjisor – Ne kemi talente të jashtëzakonshme. Të gjithë talentet ikin nga Shqipëria, fatkeqësisht. Edhe kur kanë produkte të jashtëzakonshme, shpërfillen në Shqipëri. Kundër këtij projektligji, Shoqata e Kineastëve “Lumier”, me kryetar Joni Shanaj ka dorëzuar një relacion institucioneve përgjegjëse, me kërkesë ndryshimin e projektligjit.