Nga zgjedhjet e nëntorit në Shtetet e Bashkuara të Amerikës u vendos që Donald Trump të udhëheqë administratën shtetërore për katër vjetët e ardhshme. Kjo pritet të sjellë një dinamikë të re në politikën amerikanë karshi Ballkanit Perëndimor e veçanërisht Kosovës dhe Serbisë. Njohësit e marrëdhënieve ndërkombëtare presin që administrata në ardhje të kërkojë më shumë angazhim në zbatim të marrëveshjeve të arritura mes Kosovës dhe Serbisë. Për shkak të mësimeve të marra nga vitet e fundit, njohësit presin edhe zhvillime më konkrete në marrëdhëniet mes Kosovës dhe Serbisë, të shtyra nga administrata Trump. Gjatë periudhës 2017 deri 2021 sa Donald Trump shërbente si presidenti i 45-të i Shteteve të Bashkuara të Amerikës, Kosova ka arritur me mbështetjen amerikane të formojë Forcën e Sigurisë së Kosovës dhe marrëveshjen për normalizim të marrëdhënieve me Serbinë të njohur si Marrëveshja e Uashingtonit.