I vendosur në një nga ‘favelat’ më të varfra të Rio de Janeiro, kopshti komunitar Manguinhos, konsiderohet nga më të mëdhenjtë në Amerikën Latine. Mbjelljet e para në të u bënë në 2013, në një parcelë toke ku strehoheshin përdoruesit e drogave. Sot këto kopshte ushqejnë rreth 800 familje me produkte të shëndetshme e me çmime të lira, edhe pse diçka e tillë tashmë është mjaft e rrallë. Historia e vogël e suksesit vjen në një kohë kur vendi shqetësohet për inflacionin dhe pasigurinë e furnizimit me fertilizuesit bujqësorë nga Rusia. Megjithse shpesh zona konsiderohet si e komanduar nga trafikantët e drogave, kopshtet e saj të ushqimit i kanë përmirësuar reputacionin. "Qëllimi im është të bëj që ushqimi organik të mos jetë vetëm për të pasurit," thotë Julio Cesar Barros, një nga drejtuesit e kopshtit, duke iu referuar ushqimeve të shtrenjta të Copacabana e Ipanema. Kopshtet e Manguinhos kanë nisur aktivitetin e tyre në 2006 dhe janë vlerësuar nga disa organizata ndërkombëtare si nga më të mirët në botë ne profilin e tyre. Pamjet: AFP