Në kohën kur sapo kishte nisur fushata elektorale për zgjedhjet e vitit 2021, qeveria shqiptare dha një koncesion të ri. Ky vendim, vjen pas një periudhe të gjatë thirrjesh për kujdes nga ana e ndërkombëtarëve për koncesionet. Por procesi për shkatërrimin e portit të vlorës dhe kthimit në një port jahtesh kishte nisur. Si përfundim në fund të muajit mars u dha vendimi sipas të cilit, u dha koncesioni për 35 vite. Koncesioni me një vlerë 22 milionë e 842 mijë euro, është vetëm 80 mijë euro më shumë se fondi limit pa TVSH. Koncesioni parashikon që kompania fituese ndërton portin e jahteve në vlorë dhe merr zonën para portit për të ndërtuar kulla. Bëhet fjalë për një sipërfaqe 50 mijë metrash katrorë tokë. Ndërkohë që vlora për shkak se mbetet pa një port të ri, duhet të shpenzohen nga buxheti i shtetit 60 milionë euro për ta ndërtuar atë në zonën e triportit, ku sot është porti i peshkimit. Deputeti i Partisë Demokratike, Agron Shehaj e ka quajtur këtë Afera e radhës është në Vlorë, përmes një skeme absurde, pa llogjikë ekonomike dhe qartazi korruptive. Shehaj shkruan se mandati i tretë i Edi Ramës po nis ashtu siç përfunduan dy të parët. Me koncesione për klientët e qeverisë, që paguhen shtrenjtë nga qytetarët dhe tjetërsim të pronës publike. Qeveria po prish portin e mallrave në Vlorë sepse tokën ku ndodhet porti do t’ia falë ortakëve të Kryeministrit për të ndërtuar aty kulla dhe një port turistik jahtesh. Ai thekson se qytetarët duhet të paguajnë tani 60 milionë euro për të ndërtuar portin e ri tregtar në Triport. Pra përfundon ai privatët do të ndërtojnë kulla dhe portin turistik mbi tokë të falur publike në një nga vendet më të mira të Vlorës dhe do fitojnë para. Ndërsa qytetarët shqiptarë do të paguajnë perreth 60 milionë euro për ndërtimin me koncesion të portit të ri të mallrave në zonën e Triportit.