Teksa ende nuk ka një përgjigje të tij për kërkesën e Serbisë për të nisur 1000 ushtarë në veri të Koësovës, KFOR ka shtuar praninë e vet në këtë zonë. “Po e monitorojmë nga afër situatën në veri të Kosovës. KFOR-i ka aftësi dhe personel për të ofruar mjedis të sigurt dhe liri të lëvizjes për të gjitha komunitetet, në bazë të mandatit tonë që rrjedh nga Rezoluta 1244 e Këshillit të Sigurimit të OKB-së”, thuhet në një deklaratë të tij, ku sqarohet gjithashtui se rritja e pranisë ushtarake ka nisur gradualisht që në muajin tetor.