Të enjtën e u mbajt seanca e dytë gjyqësore ndaj ushtarit rus, Vadimi Shishimarin në Ukrainë. 21 vjecari i kërkoi falje një të veje ukrainase për vrasjen e burrit të saj. Ky është gjyqi i parë për krimet e luftës pas pushtimi rus në 24 shkurt. “Unë e pranoj fajin tim dhe ju kërkoj të më falni, edhe pse nuk do ta bëni, e di që jam fajtor dhe kërkoj falje për gjithcka që kam bërë. “ Vadim Shishimarin, u deklarua fajtor për vrasjen e një civili 62-vjeçar të paarmatosur në fshatin verilindor të Ukrainës, Chupakhivka, më 28 shkurt, ndërsa dha detaje se si e kreu krimin. "Ne donim të ndryshonim vendndodhjen e trupave tona për ndihmë, të bënim një kolonë të re dhe të transportonim të plagosurit në Rusi. Rrugës kur po ecnim Makeev pa atë njeri. Unë nuk doja të qëlloja, por si u kthye dhe filloi të më urdhëronte me një ton kërcënues për të qëlluar. Unë nuk e pashë viktimën në atë kohë. E pashë atë vetëm kur u afruam dhe qëllova, duke e vrarë.” Prokurorët ukranias tashmë kërkojën dënim për jetë për ushtarin rus, ndërsa gjyqi është shtyrë sërish për të premten në orën 11 të mëngjesit me orën lokale. Gjyqtarët e shtynë gjyqin duke thënë se ushtari Vadim Shishimarin nuk ishte “gati” për një “debat” gjyqësor. Pamjet: AFP