Në Kinë, vizitorët vërshuan në një nga pikat më të bukura turistike të vendit, Murin e Madh kinez. Kjo vjen pasi në shtetin aziatik janë liruar kufizimet e politikë zero Civd, që synonte të eliminonte tërësisht virusin nga territori. Në këtë mënyrë autoritetet filluan të ndjekin një politikë të ashpër duke izoluar edhe me forcë në disa raste personat që nuk bindeshin. Por, tashmë masat janë relaksuar ndërsa njerëzit i janë rikthyer sërish jetës normale. Në Murin e Madh bora ka zbardhur veprën gjigande, ndërsa vizitorët kryesisht lokalë shihen tek hasin vështirësi në ngricat e shkallëve të saj. Muri i Madh i Kinës është një seri fortifikimesh që u ndërtuan përtej kufijve historikë veriorë të shteteve të lashta kineze dhe perandorake. Kina si mbrojtje kundër grupeve të ndryshme nomade nga stepa euroaziatike. Disa mure u ndërtuan që nga shekulli i VII para Krishtit. Më vonë, shumë dinasti të njëpasnjëshme ndërtuan dhe mbajtën shtrirje të shumta muresh kufitare. Seksionet më të njohura të murit u ndërtuan nga dinastia Ming (1368–1644).