Talibanët të mërkurën bënë nje paradë me disa nga pajisjet ushtarake që ata kapën gjatë marrjes së Afganistanit, disa orë pasi Presidenti amerikan Joe Biden mbrojti vendimin e tij për t'i dhënë fund luftës dy dekadëshe. Ata festuan tërheqjen përfundimtare të trupave amerikane të hënën si një fitore historike pasi morën kontrollin mbi Afganistanin muajin e kaluar, pas një ofensivë dy-javore që përmbylli një kryengritje 20-vjeçare. Në paradë u pa dhe një helikopter që fluturoi mbi kryet e tyre .Helikopteri Black Haëk është parë duke fluturuar mbi Kandahar ditët e fundit, duke sugjeruar se dikush nga ish -ushtria afgane ishte në kontrolle pasi talibanëve u mungonin pilotët. Kombet e Bashkuara paralajmëruan ndërkohë për një "katastrofë humanitare", duke nënvizuar sfidat e frikshme me të cilat përballen talebanët ndërsa transformohen nga grupi kryengritës në pushtetin qeverisës. Pamjet: AFP