Në kulmin e tyre në vitet 1960, burimet termale Ein Gedi mbusheshin me turistë që relaksoheshin të pellgjet e kripura të Detit të Vdekur. Por tani plazhet ekzotike po mbushen me kratere të shumta të çuditshme, teksa deti vijon të humbasë sipërfaqe ujore. Studiuesit thonë se ujërat blu tërhiqen rreth një metër çdo vit nga bregu, duke lënë pas një pamje të ngjashme me sipërfaqen e shkretë të hënës. "Teksa ecën këtu nuk gjen më rredha uji për të futur këmbët”, thotë rezidenti Alison Ron, i cili më parë punonte në rezortin shërues. "Tani ka vetëm gropa", shton ai. Disa prej gropave mund të arrijnë deri në 10 metra thellësi dhe janë një testament i tkurrjes së detit. Ndërsa tërheqja e kripës la prapa depozita të nëndheshme kripe. Kjo është dhe arsyeja që pa pasur më mbështejen e ujit, toka sipër tyre shembet, thonë banorët.