Anija transportuese që digjej prej disa ditësh në ujërat pranë brigjeve të Sri Lanka është fundosur sot me disa qindra ton naftë në serbatorët e saj, ka njoftuar marina e vendit. Çisterna Press Pearl që po digjej prej 13 ditësh, transportonte qindra ton kimikate e plastikë. Dje mjetet e marinës arritën të shuajnë zjarrin në bordin e saj por nuk arritën të shpëtojnë anijen prej dëmeve të mëdha të shkaktuara. Ambientalistja Dr Ajantha Perera tha për BBC se fundosja e anijes është skenari më i keq dhe një katastrofë për mjedisin. “Me gjithë mallrat e rrezikshëm, acidin nitrik dhe vajrat nëse anija do të fundoset do të shkatërrojë të gjithë fundin e detit,” tha ajo. Pjesa bregdetare afër qytetit të Negombo – shtëpia e disa prej plazheve më të pastër të vendit tashmë është ndotur nga nafta dhe mbeturinat për ditë me radhë. Ndërkohë, ministri i peshkimit ka ndaluar hyrjen e anijeve nga Laguna e Negombo dhe gjithashtu ka ndaluar peshkimin nga Panadura në Negombo Pamjet: AFP