Për herë të parë Franca po eksperimenton me sisteme speciale ankorimi në ishullin e Korsikës, për të ndaluar dëmet ekologjike të lëshimit të spirancave në rërë. Sistemet e posaçme të ankorimit do të vendosen në formë bazash nënujore, për të ndaluar që jahtet më të mëdhenj se 24 metra të dëmtojnë ekosistemet e bimëve ujore mesdhetare. Brezi i bimësisë i quajtur Posidonia, konsiderohet esencial për bimësinë detare të basenit të Mesdheut. Rregullacioni i ri ligjor për mbrojtjen e barit detar Posidonia ka nisur me disa dekrete të qeverisë, dy të fundit të lëshuar në fillim të vitit. Urdhrat e rinj përfshijnë udhëzimet ku duhet të ankorohen anijet në gjirin De la Ciotat dhe në veri të Korsikës, për mbrojtjen e ekosistemeve detare. Penalizimet për shkelje përfshijnë burgosje ose gjoba deri në €150,000 dhe ndalim lundrimi në ujërat mesdhetare franceze.