Demokratja Jorida Tabaku, kryetare e Komisionit për të Drejtat e Njeriut dhe Mjetet e Informimit Publik, ashtu si kolegët e opozitës, prezencën e saj e përdori për të amplifikuar kërkesat e opozitës. Ajo shprehu se ka kërkuar që në komision të raportojnë disa udhëheqës të institucioneve për dhunë kundër protestuesve në 14 ditët e fundit, konkretisht, ministri i Brendshëm, Ervin Demo dhe drejtuesi i përgjithshëm i Policisë së Shtetit, Skënder Hitaj, gjë që sipas saj duhet ta bëjë edhe mazhoranca. Ndërkohë këto qëndrime të Tabakut socialisti Ardit Bido i quajti teatër duke iu përgjigjur kërkesës për një dëgjesë me ministrin e punëve të brendshme Ervin Demo dhe duke shprehur se ai ishte i gatshëm të raportonte në seancën e kaluar plenare në Kuvend, por raportimi i ministrit u bë i pamundur nga kolegët e opozitës me kaosin që krijuan.