"Është një selektim i bërë gjatë një periudhe të gjatë, është shumë ndërkombëtar”. Kështu e përshkroi sot programin e Festivalit të Filmit në Kanë, drejtori i përgjithshëm Thierry Frémaux, gjatë prezantimit për mediat. Festivali i Kanës rikthehet këtë vit me edicionin e 74-rt, nga 6 deri më 17 korrik, pasi pandemia e Covid-19 bëri të anullohej edicioni i vitit 2020. Një numër fituesish të mëparshëm të ‘Palmës së Artë’ si dhe të prodhues të preferuar të botës së filmit, rikthehen sivjet në Kanë, teksa organizatorët njoftuan sot filmat pjesëmarrës. Mes 24 regjizorëve, filmat e të cilëve do të shfaqen në në Cote d'Azur, janë Sean Penn me filmin e ri "Flag Day", italiani Nanni Moretti me "Tri Piani" dhe francezi Jacques Audiard me filmin "Les Oympiades" (Olimpiadat). Festivali është shtyrë për në korrik kur Franca pritet të heqë kufizimet e pandemisë, por udhëtarët do të kenë përsëri masa parandaluese.