Në 110-vjetorin e shkollës së parë shqipe në Durrës, Ishmi ka çelur dyert e festës për banorët e zonës dhe të ftuarit e shumtë. Treva e Ishmit, në këtë përvjetor ka kujtuar të gjithë ata që kontribuan për kulturën dhe lirinë, duke u mëkuar prej tyre dhe lënë gjurmë në historinë e vendit dhe më gjerë. Festa e trevës së Ishmit, e organizuar nga shoqata me të njëjtin emër, nisi me përurimin e memorialit dhe sheshit “ABC” kushtuar shkollës së parë shqipe të çelur në Ishëm më 5 prill të vitit 1913. Më pas të pranishmit kanë nderuar të rënët në luftën për liri.