Banka qendrore amerikane ka rritur normwn e interesit me 0.25 % dhe parashikon ta rriswn atw edhe 6 here tw tjera brenda kwtij viti. Kjo wshtw njw lwvizje qw synon të kufizojw rritjen historike të çmimeve qw po diktohet kryesisht nga lufta nw ukrainw. Kjo lëvizje vjen në momentin kur inflacioni në Amerikë arriti në nivelin më të lartë në 40 vite, në muajin shkurt, me çmimet e ushqimeve dhe energjisë në nivele rekord. Rritja e normave të interesit është një politikë e vështirë ekonomike. Nga njëri krah ajo e bën më të kushtueshme për të marrë para, duke rritur normat e interesit për kartat e kreditit, kreditë konsumatore deri tek ato hipotekore. Por, në një ekonomi të shëndetshme indikatori më me rëndësi është: stabiliteti i çmimeve. Kur interesat rriten, ekonomia frenon zhvillimin e saj, por ekonomistët amerikanë po shpresojnë që frenimi të jetë i qëndrueshëm dhe inidkatorët kryesorë si punësimi apo rritja ekonomike të mos dëmtohen. Historia ka treguar që kjo lëvizje është e vetmja i shpëton ekonomitë nga normat e larta të inflacionit apo rritjes së çmimeve. Banka qendrore gjithashtu rriti parashikimin e saj mbi inflacionin, si pasojw e sulmit të Rusisë ndaj Ukrainës, ndërkohë që uli vlerësimin e saj për rritjen ekonomike, ndërsa përpiqet të zbusë rritjen e çmimeve pa e futur ekonominë në recesion. “Pushtimi i Ukrainës nga Rusia po shkakton vështirësi të jashtëzakonshme njerëzore dhe ekonomike”, tha Fed në një deklaratë pas një takimi dy-ditor. “ pushtimi dhe ngjarjet e lidhura me to ka të ngjarë të krijojnë presion shtesë në rritje mbi inflacionin dhe të rëndojnë aktivitetin ekonomik.