Facebook ka në plan të ndalojë mbrojtjen e politikanëve nga moderimi i përmbajtjes pasi Donald Trump kaloi vite të tëra duke postuar komentet debatndjellëse përpara se të pezullohej përgjithmonë në këtë platforme pas trazirave ne Kongres. Gjigandi i mediave sociale pritet ta njoftojë shumë shpejt ndryshimin e politikave, pas përballjes me kritika ndërkombëtare për qasjen e tij lidhur me postimet e diskutueshme nga zyrtarë të qeverisë qeveritarë sic ishte rasti i Trump. Mësohet gjithashtu se Facebooku pritet të zbulojë detaje në lidhje me politikat e tij të fshehta, me të cilat lëshon “strike”, që mund të çojnë në pezullime për shkelje të rregullave të përmbajtjes. Duket se ai se do t'u tregojë përdoruesve kur do të jetë duke i dhënë “një strike”. Bllokimi perfundimtar i ish-presidentit amerikan, Donald Trump, nga Facebook-u dhe Instagram-i u mbështet nga Bordi i Mbikëqyrjes i Facebook-ut, i cili e kritikoi megjithatë e kritikoi natyrën e përhershme të ndalesës, duke thënë se shkon përtej ndëshkimeve normale të kësaj kompanie. Me rregullat e reja, postimet e bëra nga politikanët sërish nuk do të rishihen për vërtetësinë e tyre nga verifikues të pavarur, por mund të përballen me masa shtesë për shkeljen e rregullave të tjera të Facebook sic është bullizmi. sipas The Verge. Dënimet normale të Facebook përfshijnë heqjen e përmbajtjes që shkel noprmat, vendosjen e një periudhe të caktuar pezullimi, ose bllokimin e përhershëm të faqes dhe llogarisë.