Në pamje shihet një tufë elefantësh aziatikë që ecnin në rrugët e provincës jugperëndimore kineze Junnan, çka bëri që autoritetet të mbyllnin rrugët dhe zonat rezidenciale. Tufa e elefantëve ishin arratisur nga rezervati i qyteti Pu’er prej fillimit të vitit dhe kishin ecur rreth 500-kilometra per te arritur në Kunming. Në video të shumta të publikuara elefantët shiheshin që vërshonin mes fermave e qytezave, duke shkaktuar reagime frike nga rezidentët dhe përdoruesit e rrjeteve sociale. Në të tjera pamje elefantët shiheshin teksa kalonin mes autostradave të mbushura me makina, ashtu si dhe duke shëtitur mes bimësisë së botës së egër. Autoritetet po tentojnë të ndalojnë hyrjen e tyre në qytete me anë të barrierave apo kamionëve të parkuar si dhe duke i joshur me ushqim për t’i larguar perseri drejt maleve.