Që të arrish vlerën e 1 mld dollarëve të eksporteve, Ministria e Bujqësisë më parë duhet të bindë BE të japë dritën jeshile për produktet që e kanë të ndaluar të shiten për qytetarët europiane, si mishi dhe produktet e bulmetit. Sipas ekspertëve fermat blegtoriale duhet të eksportojnë standard dhe origjinë, por informaliteti i largon këto produkte nga tregjet e cilësisë. “ Tregtimi i këtyre produkteve pa etiketë duket si një gjë shumë rrethanore, por në fakt ajo është mungesa e shtyllës kurrizore të sigurisë ushqimore.” I vetmi produkt me origjinë shtazore që prek BE është veza e kategorisë B për industrinë ushqimit, por jo veza e freskët dhe fajin për këtë nuk e ka industria por ministria që nuk përdor argumenta bindës në zyrën e Brukselit . Është mëkat që nuk po arrijmë ta hapim eksportin e vezëve të kategorisë A sepse do t’i ndihmonte këto industri të modernizohej. Por problem është tek pjesa teknike që menaxhon sigurinë ushqimore, ato nuk dinë ta tejkalojnë problemin”