Një balenë me flatër 19-metra e gjatë e me peshë rreth 15 ton ka ngecur në brigjet veriore franceze të Calais. Ajo po ekzaminohej sot nga studiuesit që thanë se balena është "e sëmurë" dhe "e paushqyer", para se të zhvendosej përsëri në det me baticën. Jacky Karpuzopulos, kreu i agjencisë së gjitarëve në veri të Francës tha: "Kjo balenë hyri e gjallë në portin e Calais, ajo është përplasur e gërvishtur nga shkëmbinjtë prandaj është tani e përmbysur në rërë." "Nga observimet e para shikojmë se ajo ka shumë gjëra në trup, që na tregojnë se është e sëmurë”. “Duhet të dimë se këto kafshë jetojnë në thellësi, ato marrin e japin informacion me anë të klikimeve. Balena ka hyrë në port duke ndjekur lëvizjet e trageteve. “Sistemi i saj trupor është duke dështuar prandaj është e bllokuar aty ku është”. "Ne duhet ta nxjerrim atë në ujë pa u influencuar nga anijet prane saj. "Sic e shikojmë, ka gjithnjë e më shumë nga këta gjitarë të mëdhenj që mbeten të bllokuar. Por kjo ndoshta vjen sepse nuk kanë marrë ushqim të mjaftueshëm, prandaj mund të jetë një problem burimesh, ndryshimesh mjedisore”.