Shefi i shëndetësisë i OKB-së, Tedros Adhanom Ghebreyesus, bëri thirrje të shtunën për më shumë ndihmë ndërkombëtare për të luftuar përhapjen e virusit vdekjeprurës Ebola në Republikën Demokratike të Kongos, ndërsa mbërriti në provincën lindore më të goditur nga një shpërthim i rëndë i sëmundjes. "Nuk jeni vetëm. Ne jemi këtu, jemi me ju dhe do ta kalojmë këtë së bashku", u tha ai njerëzve në Ituri. Organizata bamirëse mjekësore “Mjekët pa Kufij” ka thënë për shpërthimin e fundit se “kurrë një epidemi e Ebolës nuk ka regjistruar kaq shumë raste në ditët e para pas shpalljes së saj”. Ethet hemorragjike shumë ngjitëse janë tashmë të pranishme në tre provinca lindore të RDK dhe në Ugandën fqinje. Që nga shpallja e shpërthimit më 15 maj, në RDK ka pasur të paktën 1,077 raste të dyshuara të Ebolës, përfshirë 246 vdekje, tha Qendra Afrikane për Kontrollin dhe Parandalimin e Sëmundjeve..Ebola, e cila përhapet përmes kontaktit të ngushtë dhe lëngjeve trupore, ka vrarë më shumë se 15,000 njerëz në Afrikë gjatë 50 viteve të fundit. Shpërthimi më vdekjeprurës në RDK mori gati 2,300 jetë nga 3,500 raste midis viteve 2018 dhe 2020.