Sekretari amerikan i shtetit Antony Blinken është takuar dje në një darkë në Meskikë me presidentin Manuel Lopez Obrador për të diskutuar luftën ndaj karteleve të drogës. Manuel Lopez raportohej se deklaroi se Meksika nuk dëshironte më helikopterë luftarakë për të luftuar kartelet, por kërkonte ndihmë për të investuar në zhvillimin ekonomik të rajoneve të përfshira. Meksika kishte sinjalizuar me herët se kërkonte ndryshime në programin e saj 13-vjeçar me SHBA i cili i siguronte fuqi zjarri, mbështetje teknike dhe trajnime për sigurinë. Ndërsa zëdhënësi i Blinken tha: "Ishte koha për një rinovim të bashkëpunimit tonë të sigurisë. Ne dëshirojmë të shikojmë përfitime në akordin tonë me një qasje të përditësuar për kërcënimet aktuale”. Por qeveria meksikane tha se kërkonte ndryshime. "Ne nuk duam të jetë si më parë kur ata sillnin një helikopter ushtarak dhe bënin një foto të ambasadorit me presidentin," tha Lopez Obrador.