Autoritetet ruse heshtin, por media të pavarura në vend përcollën lajmin se teknikja 28 vjecare Darya Shipilova që dyshohet të ketë vdekur nga murtaja pneumonike, mund të ketë thyer aksidentalisht një epruvetë që përmbante bakterin Yersinia Pestis teksa punonte në laboratorin. Nga ky moment, fati i saj duket se u vulos. Mbi 60 punonjës të institutit Kërkimor kundër Murtajës në Irkutsk, janë izoluar brenda kompleksit, ndërsa rreth 200 persona që mund të kenë pasur kontakt me teknikën janë vendosur nën vëzhgim mjekësor ose izolim. Deri tani, nuk ka prova të konfirmuara publikisht për transmetim të infeksionit te banorët e zonës. Sipas Brendan Ëren, profesor i patogjenezës mikrobike në Shkollën e Higjienës dhe Mjekësisë Tropikale në Londër, ky lloj tejet i rrezikshëm murtaje transmetohet përmes rrugëve të frymëmarrjes. Ajo mund të përparojë shumë shpejt, duke qenë potencialisht fatale nëse trajtimi me antibiotikë nuk nis në kohë. Eksperti paralajmëroi gjithashtu se janë raportuar shtame të bakterit me rezistencë ndaj disa antibiotikëve. Megjithëse murtaja është një sëmundje e rrallë, rreth 1,000 raste raportohen në botë çdo vit, kryesisht në zona ku sëmundja është endemike. Laboratorët e specializuar e studiojnë Yersinia pestis ndër të tjera për zhvillimin e vaksinave dhe trajtimeve më efektive. Deri më tani, vlerësimi i ekspertit është se rasti në Irkutsk nuk përbën një kërcënim të rëndësishëm për publikun e gjerë dhe nuk ka prova se situata është shndërruar në një shpërthim epidemic, por kjo nuk e ka frenuar frikën e autpriteteve shëndetësore nëpër botë.