Agjencia Amerikane e Hapësirës NASA ka njoftuar dy misione të reja drejt Afërditës, planeti me ditën më të gjatë në sistemin tonë diellor. Misionet, për secilën prej të cilave janë dhënë 500 milionë dollarë, është parashikuar të ndodhin në 2028-tën dhe 2030-tën e do të ofrojnë sipas administratorit të NASA-s, Bill Nelson shansin “për të kontrolluar një planet ku nuk kane qenë më prej 30 vjetësh”. Sonda e fundit amerikan që iu afrua Afërditës ishtë Magelani, në 1990-tën. Megjithatë, ka pasur disa anije të tjera hapësinore nga Europa dhe Japonia që e kanë orbituar planetin brenda kësaj periudhe. Njëra prej dy sondave, e quajtur DaVinci + do të analizojë atmosferën e Afërditës, ndërsa tjetra, Veritas do të krijojë hartën e siperfaqes së saj. “Qëllimi i misionit është të zbulojmë përse Afërdita duket sot si një ferr, edhe pse dikur kishte shumë nga karakteristikat e Tokës dhe mund të ketë qenë planeti i parë i banueshëm në sistemin diellor, me oqeane dhe klimat e ngjashme me ato tonat”, thanë drejtues të NASës. Dy misionet pritet t`i ndihmojnë shkencëtarët sesi evuoloi atmosfera atje duke u bërë kaq e dendur dhe e nxehtë, dhe të përpiqen të kuptojnë historinë e saj gjeologjike. Mbi sipërfaqen jo-mikpritëse të planetit përhapet një atmosferë toksike e përbërë kryesisht nga dioksid karboni dhe re acidi sulfurik.