Në fshatin Erind të Lunxhërisë ka nisur edicioni i 12-të i Divanit Lunxhot, një aktivitet që prej vitesh ruan dhe promovon traditat, këngën, vallen dhe kulturën e kësaj zone.Këngë polifonike, valle tradicionale, veshje karakteristike dhe gatime të zonës kanë sjellë në Erind atmosferën e dikurshme të divanit lunxhot.Banorë të fshatrave të Lunxhërisë, artistë dhe vizitorë janë bërë bashkë për të festuar këtë trashëgimi kulturore, e cila përcillet brez pas brezi.Divani Lunxhot është kthyer tashmë në një nga aktivitetet që i jep jetë fshatrave të Lunxhërisë gjatë verës, duke tërhequr edhe vizitorë të interesuar për traditat dhe kulturën lokale. Përmes muzikës, kostumeve dhe riteve tradicionale, organizatorët synojnë të mbajnë të gjallë identitetin lunxhot dhe ta përcjellin atë te brezat e rinj.Edicioni i 12-të do të vijojë me aktivitete në ditët në vazhdim, duke e kthyer Lunxhërinë në një skenë të hapur të trashëgimisë së saj kulturore.