Tre vëllezër nga një fshat zvicerjan që kërcënohet nga largimi i popullatës, kërkojnë të mbajnë gjallë esencën e tij “duke e futur” në shishet e xhinit. Fshati piktoresk Suboz, qëndron rreth 900 metra në faqen e malit Jura, ku vëllezërit Gyger distilojnë gjithçka gjejnë në pemët e pyjeve, mes të cilave dhe dëllinjat natyrale. Zvicra është duke u përpjekur të ndalojë shuarjen e komuniteteve të saj tradicionale malore teksa të rinjtë largohen drejt qyteteve për më shumë mundësi. Por ndryshe nga të tjerët, vëllezërit Gigers kanë transformuar shtëpinë e gjyshit të tyre në distilerinë ‘Gaginjol’, që prej dy vitesh është profesionale. Kati i parë i shtëpisë fshatare kundërmon nga majdanozi dhe dëllinjat që përdoren në distilimin e xhinit në zjarrin e druve. "Kjo punishte ka qenë ëndërra jonë që kur ishim të vegjël sepse rrënjët tona janë në këtë fshat”, thotë 30 vjecari Gaetan, i cili ka studiuar në Gjenevë. “Nuk dëshironim të prodhonim në qytet, edhe pse mundësia e klientëve ishte më e madhe”, shton ai.